حلت الفنانة غادة عبد الرازق ضيفة على برنامج The insider، كشفت الفنانة غادة عبد الرازق عن سبب ندمها لدخول الوسط الفني، كما تحدثت عن حلمها قبل التمثيل، وعن والدها.
وقالت غادة عبد الرازق: «أنا ندمت على دخول الوسط الفني بسبب تراكمات من حاجات كتير أوي، والتراكمات دي بتوصلك لمرحلة إنك تقول الطريق دا دمرني أوي وأخد مني أوي ومن حياتي وجه عليا".
وواصلت غادة: "كان حلمي أدخل السلك القضائي، وياريتني كنت كملت زي بابا هو اتخرج من كلية الحقوق ودخل مجلس الدولة وكان قبل ما يموت بشهر هيبقى وزير الاستثمار".
واختتمت غادة: "أنا مش عارفة ليه مروحتش للسكة بتاعت بابا دي، وروحت في سكة تانية خالص، وباجي في وقت من الأوقات وبقول ياريتني".
وفي سياق منفصل، تصدرت غادة عبد الرازق تريند مواقع التواصل الاجتماعي في الفترة الأخيرة، بسبب دفاعها عن الفنان المعتزل أدهم نابلسي، وذلك بعد تعرضه للعديد من الانتقادات اللاذعة بسبب قرار اعتزاله، وحذف أغانيه من حسابه الرسمي على موقع الفيديوهات "يوتيوب".
وقالت في أحد تصريحاتها التلفزيونية: "ليه كل الضجة دي على اعتزاله، متحكموش على الناس هو أكتر واحد حاسس بقلبه وبعلاقته بربه، وهو مش مرتاح سيبوه".
وتابعت غادة، قائلة: "زي ما بتطالبوا إن محدش له دخل بدينك ولا لبسك، إحنا كمان ملناش دخل ده شيء يخصه متحكموش على حد لأن متعرفوش اللي جوة البنى آدم إيه، هو حر في حياته.
