استجاب الفنان أحمد العوضي، لرغبة أحد معجبيه "بوجي"، بعد أن طلب أن يقابله هو والفنان أمير كرارة.
وحرص أحمد العوضي، على توجيه عدة نصائح لهذا الشاب، قائلا: «من يتنمر على الشكل إنسان غير سوي، فالرجل ليس بشكله وإنما بسلوكه وشهامته وجدعنته».
وتابع أحمد العوضي،: «مفيش راجل بشكله، ولا راجل حلو، الحلاوة دي للستات، أمير كرارة كلمني وهو في دبي، وباعتلك السلام، وبيقولك أي حد يضايقك متشيلش هم، أنت معاك باشا مصري والخديوي، وعلى الله حكايتك دي بتاعتك، اعتبرها بتاعتك».
واستكمل العوضي حديثه مع حسام بوجي، قائلا: «متضايقش نفسك، وتخش تقرأ الكومنتات اللي بتضايق، عين بتحب وألف بتكره، أنا هبقى مشهور بسببك، وإن شاء الله تطلع والدتك الحج وعمرة كمان»، موجها حديثه للمشاهدين: «أنا مبسوط إني كنت مع حسام انهارده، متشغلش بالك بأي كلام وحش يشغل عن طريقك، الكلام الحلو بس كمل بيه ومتركزش على الكلام التاني.. عاوزك تقدم أغنية كده على الرايق مفيهاش كلمات خارجة حاجة كدة الناس تحبها».
