رد الفنان رامى صبرى، على مطرب الراب ويجز بعد أن عبر عن غضبه الشديد بسبب ذكر رامي اسمه عبر إحدى الإذاعات، والتعليق على طريقة غنائه.
وحرص رامي صبري، على توضيح الأمور حتى لا تصبح أزمة بينهما وذلك عبر خاصية ستوري على حسابه على "إنستجرام"، وكتب: "يا ويجز يا حبيبي أنا قلت أنا بسمعك وبحب شغلك ولكن مش بفهم الكلام وده ميقللش من شغلك بالعكس أنت شاطر جدًا ومجتهد وناس كتير بتحب شغلك وما تفهمش كلامي غلط".
وكان ويجز، قد كتب عبر خاصية ستوري على حسابه بـ "إنستجرام"، قائلاً: "هما الفنانين مينفعش يطلعوا في البرامج يتكلموا عن نفسهم، لازم اسمى يتحط في جملة.. ما تبص فى ورقتك".
وقد حل المطرب رامي صبري، ضيفًا على راديو إنرجي، الأيام الماضية، وتحدث عن ويجز قائلا: "مش بسمع مهرجانات خالص، أنا رجل متخصص في المزيكا، ودرست تأليف موسيقي وأذني لا تستحمل المهرجانات فهي تحمل دوشة في الكلام، وفي بمصر راب لكن مفيش راب لكن اللي بيعجبني ويجز ولكنه دائما مش بيقول حاجة، ومش بيقول كلام، وويجز بيعمل موسيقى ممكن أسمعها ومقلدها من بره، لكن مش بسمع مهرجانات".
