قال الفنان مصطفى فهمي، إن الخلافات الزوجية المستمرة سبب إنهاء أي زواج، مضيفًا: "لما أكون مش قادر أكمل لازم أقرر إنهاء العلاقة، لأنه مش هينفع أكمل في علاقة وسط خناقات لا تنتهي، وحياة أنا مش مبسوط فيها أكمل فيها ليه".
وأضاف فهمي، خلال حواره مع الإعلامي عمرو أديب، ببرنامج "الحكاية"، المُذاع عبر فضائية mbc مصر، مساء أمس الاثنين: "أنا من النوع اللي لما أحس إني مش قادر أتفاهم مع الشريك بحط خط وأنهي".
اقرأ أيضاً | أديب: مصر والسعودية والإمارات يحفظون البيت العربي بعد انسحاب أمريكا
وقال الفنان مصطفى فهمي، إنه عاش تجربة الزواج لثلاث مرات، مضيفًا: "أنا وحسين فهمي أشهر عزاب في الوطن العربي حاليًا، وحظنا وحش في الستات وخصوصًا اليومين دول"، مضيفًا: "علاقتي بحسين فهمي بقت كويسة جدًا اليومين دول بسبب إننا غير مرتبطين".
وكشف الفنان مصطفى فهمي: "الفنان يحتاج لزوجة بمواصفات خاصة، لأن الفن مش شغلانة محددة المواعيد، التصوير ممكن يستمر أحيانًا لحد الصبح، المرأة هي المرأة سواء مصرية أو أجنبية، فيه ستات بتكون مقررة تنكد على زوجها ولو عايزة تريحه هتريحه".
