علق عصام عبد الفتاح رئيس لجنة الحكام بالاتحاد المصري لكرة القدم عن انتقاد طاقم تحكيم مباراة الأهلي والزمالك الأخيرة.
وقال عبد الفتاح في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "محمد عادل اتكلم في المداخلة عن ادارة المباراة وازاي يحتوي اللاعبين، ده علم من علوم التحكيم ومحاضرة مهمة مع الحكام ".
وأضاف "الحكم زي الدكتور لما بيلاقي المريض درجة حرارته عالية لازم يعالج اللاعب، لما الحكم يلاقي الرتم بيعلى في ارض الملعب لازم يسيطر على اللقاء علشان يتعامل معاهم بشكل لا يفسد المباراة".
وواصل "ياريت الناس الي مش بتفهم في التحكيم تسال يعني ايه ادارة مباراة واحتواء لاعبين، احتواء المباراة دي انه يستخدم شخصيته وتحكيمه العادل علشان يسيطر على المباراة، لكن مش انه يجامل او يتغاضى عن حاجة".
وتابع عصام "محللين التحكيم في قناة اون ونادي الزمالك وقناة الأهلي كلهم اشادوا بالتحكيم، وصلنا لمرحلة ان البعض اصبح يكره نجاحاتنا".
