أعربت الفنانة فيفي عبده، عن سعادتها بالتواجد هي وحفيدتها على ريد كاربت الدورة الخامسة من مهرجان الجونة السينمائي.
وصرحت فيفي عبده، خلال لقائها مع برنامج ET بالعربي، بإنها إنتهت الأيام الماضية من تدريب عدد من الراقصات في إيطاليا.
وكشفت فيفي عبده، رأيها في الراقصات الأجانب المنتشرين حالياً في مصر، وقالت كلهم بيرقصوا حلو ولكن مفيهمش روح ولا طعم وكلهم زي الزمبلك.
وأكدت فيفي عبده، على أن عدد من الراقصات طلبوا التصوير معها وهي لا تعرف واحدة منهم على الأقل.
وكانت الفنانة والراقصة فيفي عبده تصدرت التريند بعد إثارتها الجدل في برنامج نزار الفارس، بسبب تصريحاتها المثيرة عن مهنتها والموت والحياة والسحر.
وكان نزار الفارس، سألها عن موقفها من وضع كلمة «الراقصة»، قبل اسمها على قبرها، لترد الأخيرة «ماينفعش، إزاي تحط الراقصة، هو أنا هروح بلقبي كراقصة، أنا يمكن أكون غلطانة إني بقول يارب أنا بحب الرقص، بس ربنا هو اللي بيحاسب مش حد تاني، ومش هخلي حد يحطلي لقب على مدفني».
وعن طقوسها اليومية، كشفت فيفي عبده، عن حرصها للتمسك بالقرآن الكريم: «أنا قبل ما بعمل أي حاجة بقرأ قرآن، حتى قبل ما بطلع من بيتي، كل واحد حسابه بينه وبين ربنا، لازم أقرأ قرآني اللي أنا حسيت إني حصنت نفسي بيه».
