منزل أيتن عامر يتعرض للهجوم والأهالي ينقذوها!!

أيتن عامر
أيتن عامر

كشفت الفنانة أيتن عامر، عن تعرض منزلها للهجوم من قبل مجموعة من الأهالي كانت قد نشبت مشاجرة بينهم وبين أحد العاملين في الشارع الذي تقطن به.

وقالت أيتن، من خلال حسابها علي فيس بوك "خناقة تحت البيت أهل الولد اللى كان بيتخانق طالعين يخبطوا على بيتى وفاكرين انه اللى اتخانق مع ابنهم بيشتغل معايا ومخبياه وعايزينى أسلمه ليهم، ومكنش فى حد فى المدخل الوقت ده وطلعوا الدور عندى وخبط فظيع على الباب وعز للأسف مسافر أخدت الولاد وقفلت عليا باب الأوضة.

واستكملت "ومن اللهوجة سبت تليفوناتى برة ملقتش غير الآيباد جمبي ومعرفتش اتصل بحد كتبت أى حد جمبي يجيلى لحد ما فكرت اطلع البلكونة انده الناس يلحقونى".

وأكملت "والحمد لله طلعوا وكله تمام اطمنوا، والناس فهموهم أن مفيش حد أصلا تبعى اتخانق واعتذروا ومشيوا المنطقة فيها رجالة .

الجدير بالذكر أن أيتن عامر قدمت بطولة حكاية "وأنا قبلت" من مسلسل "زي القمر" والتي تناولت قضية الفرق العمري بين الأزواج.

من ناحية أخرى، تعاقدت أيتن عامر، على بطولة مسلسل جديد يحمل اسم "شهر 10"، وهو مسلسل إجتماعي يناقش ظاهرة انتشار مرض السرطان.

 

 

 

 

 

احمد جلال

جمال الشناوي