ناقش برنامج "راجل و2 ستات" المذاع على قناة "on"، تقديم الإعلامية شريهان أبو الحسن والفنانة هيدى كرم والفنان أحمد صلاح حسنى، العزوبية بعد سن الأربعين.
وقالت الإعلامية شريهان أبو الحسن: "ممكن السنجل يكون عنده مسئوليات متحققة فى الشغل.. فيه ناس اتجوزت وربنا مكرمهاشى بالعيال.. ومقدرش أقول نجاجى واستقرارى ورضا ربنا عليّ إنه إدانى عيل.. هناك فيه ناس عندهم مشاكل طبية.. اللى وصل لسن الأربعين وصل لمرحلة نضج تجعله متجاوز كل ده ويبقى سلطان زمانه للراجل أو الست كمان".
وعلقت الفنانة هيدى كرم: "اللى دخل سن الأربعين واتجوز وطلق وبقى سنجل غير اللى متجوزشى خالص.. وعن تجربتى فى السنجلة بعد سن الأربعين معنديش معاها أى مشكلة".
وقال الفنان أحمد صلاح حسنى: "أعتقد اللى متجوزشى خالص بيبقى مش عنده تفكير لا فى أولاد ولا أي حاجة.. وممكن الشغل يلهى السنجل بعد سن الأربعين ويسعد الشخص ولكن فى الآخر بتعمل كل ده ليه وعشان مين.. وهناك مرحلة بيبقى الشخص عاوز يدى".
