أسماء مصطفى: ربنا كتبلي عمر جديد.. و«لسه عندي مشوار مع العلاج»

أسماء مصطفي
أسماء مصطفي

طمأنت الإعلامية أسماء مصطفى متابعيها عن حالتها الصحية، وقالت عبر حسابها الشخصي بموقع التواصل الاجتماعي فيس بوك: الحمد لله رب العالمين كما لله كما ينبغى لجلال وجهك وعظيم سلطانك، اتاخرت عليكم بس عارفة انكم بتعذرونى.

وأضافت: وعايزة اقولكم انى فعلا زى ما بتقول ربنا كتبلى عمر جديد وقدر ولطف تفاصيل صعبة لكن اكيد الدعوات الصادقة لوجه الله هى الى نجتنى.

وأوضحت أن مشوار علاجها لم ينتهي بعد: انا لسه عندى مشوار مع العلاج والحمد لله لثانى مرة مقدرتش اتخلص من الورم اللعين كليا ولسه هكمل علاج لكن ربنا نجانى الحمد لله واكيد ليه حكمة واكيد ده الخير وربنا يسامحنى على كل يوم كنت بصحتى ومصحتش احمد ربنا عليه.

وقدمت نصيحة فى أخر كلامها وقالت: ايها الاصحاء اشكروا الله وادعوا لجميع المرضى بشكركم من قلبى على دعواتكم ربنا يحفظكم.

وكانت الإعلامية أسماء مصطفى، طالبت جمهورها بالدعاء لها حيث إنها ستخضع لعملية جراحية جديدة، دون تحديد موعدها.

ونشرت أسماء مصطفى، صورة لها عبر حسابها على موقع «إنستجرام»، قائلة: بسم الله توكلت على الله ولا حول ولا قوة إلا بالله، أكون بين يدي الرحمن لإجراء عملية جراحية دون توصيف دقيقة، أو حرجة، ثقتي بالله أملي ورجائي، وهو القادر وحده على شفائي.

 

ووجهت أسماء مصطفى دعوات قائلة: اللهم أذهب البأس ربّ النّاس، بيدك الشّفاء، ولا كاشف له إلّا أنت يا ربّ العالمين، اللهمّ لا ملجأ ولا منجا منك إلّا إليك، إنّك على كلّ شيءٍ قدير. لا إله إلّا الله الحليم الكريم، لا إله إلّا الله العليّ العظيم، لا إله إلّا الله ربّ السّماوات السّبع وربّ العرش العظيم، لا إله إلّا الله وحده لا شريك له، له الملك وله الحمد وهو على كلّ شيءٍ قدير، اللهم اشفني ودواني وعافني إنك عفوا كريم، واشفي كل مريض ليس لنا رب سواك، توكلت على الله، فضلًا اسالكم الدعاء ربنا يتقبل يا رب.

كانت الإعلامية أسماء مصطفى، كشفت في منشور جديد لها عبر حسابها على موقع التواصل الإجتماعي «فيس بوك»؛ عن كواليس رحلتها مع مرض السرطان.

 

وقالت أسماء: «السرطان ده طلع حكاية ورواية ومحطات وأماكن بدون كتالوج حتى قوتك وحربك في المعركة طلعوا بردوا مش واحد هو لعنة في كل الأوقات".

وأضافت أسماء مصطفى: «يعنى اللي بيحارب جوه الميدان غير اللي في وش المعركة غير اللي واقف على الحدود، سبحان الله له في ذلك حكم أومال مين يتعلم من مين ونقيس تجاربنا إزاى ونفيد بعض إزاى؟».

 

واختتمت: «مفيش كتالوج أنت ورزقك أنت واختبارك وربنا عارف صبر وقوة كل واحد علشان كده محدش مقياس لحد».

 

وكانت الإعلامية أسماء مصطفى، مقدمة برنامج هذا الصباح على قناة «إكسترا نيوز»، أعلنت إصابتها بمرض السرطان وأن هذا سبب اختفائها خلال الفترة الماضية.

 

وكتبت أسماء مصطفى عبر صفحتها الشخصيةعلى «فيس بوك»، "أنا بعتذر طول الفترة اللي فاتت عن الاختفاء وعدم الرد غصب عني الحقيقة بقالي كام شهر مش عارفة أرد أو أكتب أقول إيه لمعظم الناس وده كان علشان أمي وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".

 

وذكرت: "أنا حالي حال ناس غيري كتير بيمروا بمعركة مع المرض اللعين الاسم صعب معلش وأنا منهم بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير إننا ناخد بالأسباب ونرضى بقضاء الله ونسأله اللطف فيه مش عايزة حد يزعل أنا بس محتاجة الدعاء لأني مؤمنة انه بيغير القدر".

 

وتابعت: "أنا قطعت مسافة كويسة في رحلة العلاج الحمد لله ولسه في خطوات تانية ربنا يسهل في انتظار تحديد ميعاد العملية علشان كده عدم ظهوري هيطول.. رجاء تاني محدش يضايق فضلا الدعاء".