محمد التاجي: «الحمد لله أنا زي فل شمعة منورة»

الفنان محمد التاجي
الفنان محمد التاجي

علق الفنان محمد التاجي، على شائعة وفاته، قائلاً "الحمد لله اهو فل شمعة منورة".

وأضاف التاجي خلال لقائه مع برنامج "من مصر" المُذاع على فضائية "سي بي سي" ، "ناس كتير انزعجت، ولكن بالنسبالي أنا عرفت محبتي في قلوب الناس شكلها ايه.. الحمد لله رب العالمين".

ولفت إلى أن الأشخاص التي تروج الشائعات «عندها نقص»، و ده عيب، لأن مش بتزعج الشخص بس، لأ الناس اللي حواليه واللي بيحبوه كمان .

وأوضح محمد التاجي أنه تعرض لنفس الشائعة في 2015، واتصل بيا واحد زميلي في العمل وقلق عليا، وصحفي من جريدة ما".

وأردف الفنان قائلاً: "اللي حصل المرادي أوحش وأصعب، لأن أولادي الاتنين كانوا في الشغل، وصحابهم دخلوا يعزوهم، وأنا قاعد بلعب على الكمبيوتر في بيتي، والأولاد انهاروا وكلموني وكلموا والدتهم".

إقرأ أيضاً .. محمد التاجى: قبضة الرئيس مبارك سبب إنقاص وزنى!