قالت الفنانة نادين ان زوجها نجل عمدة أبو قرقاص في المنيا و اصبح هو عمدة أبو قرقاص ، و اتقابلنا في اسكندرية و هو اعترف لى بحبه الأول ، و انا عجبنى فيه الهيبة بتاعته و خفة دمه و هو عمدة مودرن ، و بنحس اننا لحد الان مش متجوزين و كاننا مخطوبين ، و عندنا بنتين و ولد .
و اضافت نادين خلال لقاءها مع الاعلامى دكتور عمرو الليثى ببرنامج واحد من الناس على شاشة الحياة ، ان الوسط الفني تغير كتير حتى تكنيك الشغل اتغير ، و في ليالى اوجينى بعد ما خلصت تصوير قالو لى استنى هناخد زوايا تانية فقلت دى اخرة نزول بتوع السينما للدراما .
واشارت نادين أن المخرج هانى خليفة تحدث معي هاتفياً ، واراد أن اتعاون معه في مسلسل ليالى اوجينى و ده في الاربعينات ، و كان يريد أن اقدم دور ارتيست ، ووافقت و طلبت منه أن اسمى يتكتب ارتيست في التقديم في المسلسل و في التتر لأنى مش راقصة أنا ارتيست ، واشتغلت بعدها مسلسل عائلة جى جى و كان دورى خمس حلقات فقط ضيف شرف بس دور مهم .
