هاجم مؤدى المهرجانات حمو بيكا منتقديه، على صفحته الشخصية بموقع التواصل الإجتماعي فيس بوك، موضحًا أنه يعاني من تنمر بعض الناس تجاهه بسبب عدم استكماله للتعليم، وذلك بعد أن قام بتهنئة طلاب الثانوية العامة.
قال بيكا "بتقولو عني جاهل ومش متعلم .. مع ان دي حاجة انا عمري ما أنكرتها ولا حتى خبيتها على الناس ومن يوم ما ربنا كرمني واشتهرت وبقى ليا جمهور بس هرجع واقولكم تانى انها حاجة مكنتش بايدي".
وتابع حمو بيكا قائلًا "انت بقي يا متعلم التعليم علمك انك تقعد تعاير الناس بعيوبها؟ التعليم علمك ان تفضل تتنمر علي خلق الله ؟ التعليم علمك انك مباح ليك الشتيمه في حد هو اقل منك فى شئ؟ اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها !".
وأضاف قائلًأ "انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترام الكبير والصغير .. اتعلمت اشقى واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك ما تتعلمها طول ما انت باصص للناس ..! فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربية وتعليم" يعني التربيه قبل التعليم".
وكانت أقرت الشركة المنظمة إلغاء حفل مطرب المهرجانات حمو بيكا والذي كان مقررًا له مساء يوم السبت بشاطيء لافام بمارينا والمخصص للسيدات فقط .
وكانت إدارة الشاطئ المخصص للسيدات قد قررت إلغاء الحفل الحفل، وارجعت السبب إلى قرار من نقابه المهن الموسيقية ومنعه من إقامة الحفلات لحين توفيق الأوضاع.
واستبدلت الشركة المنظمة وإدارة الشاطيء فقرة فنية للراقصة البرازيلية لورديانا.
يذكر أن فى واحدة من تقاليع الساحل الشمالي، يحيي الفنان حمو بيكا - مطرب المهرجانات - حفلاً غنائيًا على شاطئ لافام بمارينا بالساحل الشمالي للسيدات فقط.
صبا مبارك تتألق في أحدث ظهور لها
محمود البزاوي ينضم لـ «الطيار» بطولة دياب
«ليلة لا تُنسى»..محمد حماقي يشوق جمهوره لحفل جدة
