أحمد أمين عن ذكريات الثانوية العامة: إعلام فرقت معايا جزء من عشرة في المية

تحدث الفنان أحمد أمين عن ذكرياته في الثانوية العامة.

وكتب أحمد أمين عبر حسابه الرسمي بموقع التواصل الاجتماعي "تويتر": لما بفتكر ثانوية عامة بشكر الواحد في المية اللي مجاش لو كان جه معرفش كنت هبقى فين فرقت معايا على جزء من عشرة في المية عشان أدخل إعلام الكلية اللي كنت عايزها ساعتها فدخلت فنون جميلة واشتغلت في الصحافة لحد لحد ما وصلت رئيس تحرير وأنا مش إعلام".

وأضاف: بعدها بقيت ممثل وأصحابي من فنون جميلة بقو فريقي اللي عملنا مع بعض البلاتوه انا عارف يوم النتيجة بتبقى زعلان أو فرحان عشان فاكر ان دي نتيجة مرحلة لكن الحقيقة انها بداية مجموعة اختيارات كتير كلها ممكن توصل للنجاح عادي جدا.. أصل النجاح مش مرحلة من الدراسة ده مشوار كبير وطويل وتغييرات كتير.. ممكن التفوق يبقى نقمه وممكن عدمه يبقى نعمة المهم هنكمل ازاي وهنختار ايه".

وتابع: مبروك من قلبي لكل الناس اللي طلعت نتيجتهم بعض النظر عن نتيجتهم مبروك عليك بداية اختياراتك".