طرح المطرب مصطفى شوقي، كليب أغنيته الجديدة "تخنتى" التى يشاركه الغناء فيها المطرب نبيل.
"تخنتي" كلمات نصر محروس وألحان: بلال سرور وتوزيع موسيقي: جلال الحمداوي وهندسة صوت: هاني محروس.
وتقول كلمات الأغنية:
! تخنتي .. تخنتي .. يا بنتي تخنتي ايه
! تخنتي .. تخنتي .. بتقولي كدة ليه
ده انتي حتى لو تخنتي هتبقي حلوة زي مانتي
! يا بنتي تخنتي ايــه
من غير مكياج انتي حكاية
وبالمكياج بردو حكاية
وماتبصيش تاني في مراية
تخنتي ايــه
بيغيروا منك إكمنك في الدنيا مفيش أحلى منك
بيبصوا عليكي وبيقولوا شكلك أصغر أوي من سنك
والله حرام ده انتي خسارة
تخنتي ايـــه
من يوم ما قابلتك كلمتك وحلفتلك إني هبقى ملكك
من أول يوم أنا حبيتك وعشقتك وعشقت طبيعتك
معاكي لحد ما تكركبي
تخنتي ايـــه
لو ألف العالم والدنيا مش هلقى زيك واحدة تانية
في جمالك وحلاوتك انتي بستنى معادك بالثانية
إديني بس انتي إشارة
تخنتي ايـــه
في مسابقة جمال العالم انتي في عيوني انتي اللي كسبتي
يا أميرتي انتي اللي قدرتي في مغامراتي تبقي بطلتي
غمزت يا حبيبتي الصنارة
تخنتي ايـــه
وكانت آخر أغنيات المطرب مصطفى شوقى "يا سمرا"، من كلمات هشام الجخ وألحان محمود خيامى وتوزيع رامى سمير وهندسة صوت هانى محروس، وقدمها بشكل مختلف نال إعجاب محبيه، وحصدت العديد من المشاهدات عبر موقع يوتيوب، وتصدرت التريند وقت طرحها.
