يفحص رجال مباحث القاهرة منشور علي مواقع التواصل الاجتماعي حول التحرش بسيدة عن طريق عدد من الشباب بمنطقة عزبة النخل بالمرج،
اقرأ ايضاً|شاهد| تحرش بمضيفتين واعتدى على الثالثة.. عقاب«غير متوقع» للراكب السكران
ويقوم رجال المباحث بفحص الواقعة للتأكد من صحتها وكونها حديثة أم قديمة.
وكان قد انتشر على عدد من الصفحات منشور مكتوب فيه: “هنفضل لحد امتي بناتنا وحريمنا معرضين للخطر دايماً في الشوارع .. علي ايد البلطجية والمتسولين ..!!دول مجموعة بلطجية ومتسولين اللي سكران واللي ايده مقطعة واللي مبرشم .. وأشكالهم لا حول ولا قوة”.
وأضاف كاتب المنشور: “هؤلاء تعرضوا لزوجة أخي في طريقها أثناء دخولها لركوب مترو الأنفاق.. ولم يكتفوا بالمعاكسة والتحرش والمضايقة خارج المحطة فقط بل كمان ببجاحة شديدة دخلوا وراها المترو وفضلوا مترصدينها ومراقبينها”.
وتابع: «متخيلين الموقف والرعب اللي أي ست أو بنت بتبقي فيه في وضع زي ده يعني في أي وقت ممكن بنتك أو زوجتك أو أختك تكون عرضة لشوية بلطجية زي دول في أي مكان في الشارع أو داخل المواصلات العامة بدون حماية .. بدون قانون .. بدون أدني شك انها ممكن تتخطف عادي أو يحصلها كوارث».
وأضاف: «نستكمل الموضوع بعد دخولهم وراها في المترو شافوها ركبت عربية السيدات دخلوا وراها وحصل مشكلة ومشادة بينهم وبين السيدات في المترو زي ما شايفين في الصور كده وبكل بجاحة شديدة بردوا كانوا هيضربوا الستات في المترو وعشان زوجة أخي عارفه انهم داخلين وراها وبيراقبوها ومن خوفها قررت تصورهم وتبعت الصور لزوجها فوراً عشان لو حصلها حاجة منهم نلحقها.. ولما المشكلة كبرت وستات كتير تدخلوا والخناقة هتكبر مع السيدات في المترو نزلوا من العربية بعد ما خبطوها وزقوها في المترو وسرقوا البوك بتاعها وشنطتها وخطفوا موبايل من سيدة أخري كانت واقفة ».
