يفحص رجال مباحث القاهرة، منشورًا متداولاً على مواقع التواصل الاجتماعي، لواقعة تعدي بالضرب على طفل معاق ذهنيا داخل سيارة ملاكي أعلى الطريق الدائري بالتجمع.
وتداول نشطاء مواقع التواصل الاجتماعي "فيس بوك" بكثافة، منشورًا لسيدة تدعى يسرا كتبت فيه: "أنا مش عارفة اكتب فين وعلى انهي جروب والا اعمل ايه انا متلخبطة، من ساعه ما شوفت العربيه دي الصبح على الدائري ناحيه التجمع والسواق اللي فيها بيضرب ولد ذوي احتياجات خاصه (معاق ذهنيا وجسمانيا)، راكب معاه في العربيه وأنا هتجنن".
وأضافت في المنشور: "قعدت ازنق عليه بالعربية واضرب كلاكسات كتير ولقيت عربيه تانيه فيها راجل محترم شاف نفس المنظر اللي أنا شوفته كسر عليه بالعربية وفتح الشباك وزعق، قاله أنت بتضربه ليه وأنت تقربله إيه والراجل اتوتر وقاله مضربتوش".
وتابعت: "المنظر كان صعب وهو سايق بيلف يضربه جامد وحبيبي غلبان قاعد ورا لا حول له ولا قوه، يارب أهل الولد يشوفوا البوست ورقم العربية اللي معرفتش أعمل حاجه غير أني اصورها".
واستكملت: "ارحموا ولادكم من السواقين وبالذات لو طفل ذوي احتياجات خاصة، أرجوكم أنا قلبي اتقطع من اللي شوفته، حسبي الله ونعم الوكيل في كل بني آدم يمد إيده أو يأذي ملاك زي ده".
اقرأ أيضا: ضبط سائق وعاطل وبحوزتهما نصف طن بانجو بالإسماعيلية
