من حكايات أبى

أغانى المرور

سميحة رشدي
سميحة رشدي

بقلم/ سميحة رشدي

فى الإجازات الصيفية كنت اشعر بملل وزهق واكتئاب وكنت اسميه ثلاثى الصيف من عدم الخروج وابتعادى عن زميلات الدراسة ومتعة السفر يوميا من بلدتنا الى محافظة المنيا.. وكان يلحظ ابى ذلك فكان يشغل وقتى ان يحضر لى واختى الجرايد والمجلات وبعض الكتب وشرايط الكاسيت.. ودخل ذات يوم وسمع أغنية لمطرب جديد وقتها مطلعها فى السكة فى السكة ضحك وقال: اقفلى أغانى المرور دي، وشغلى شريط ام كلثوم، وبالفعل سمعت معه الاطلال لأول مرة بعمق وفهم وكنا نكرر بعض المقاطع من فرط جمالها حدثنى عن مولفها الطبيب البشرى ابراهيم ناجى وملحنها رياض السنباطى.. من وقتها ولا تستطيع اذنى سماع اى اغنية هابطة ثم شدنى الى سماع لطفى بوشناق وصباح فخرى ووديع الصافى وفريد الاطرش وكان يقول العظمة الست وباقى المطربين لكل منهم زهرة فزهرة لطفى بوشناق لاموني، وزهرة صباح فخرى يا حادى العيس.

وزهرة فريد الربيع، وزهرة وديع يا عينى ع الصبر وبحر ابو جريشة مقادير وفيروز سكن الليل ونجاة لا تكذبي.
علمنى معنى رقى الكلمة ومعنى الفن الهادف وأناقة الاختيار وحين سمعت حمو وشاكوش من خلال التكاتك والـ دى جى تخيلت لو كان حيا ماذا كان يسميها ، علموا اولادكم حب الرقى ونبذ الاسفاف والابتذال.

دعوة للحب
هات ايدك نكمل بعض انا واحد وبيك اتنين
نجمع سوا زهور الفل ونبنى بيوت ياسمين
نطرح من قلوبنا الغل ونملاها غلا وحنين
جمال العين ونظرتها ساكن ما بين جفنين
وسواد وبياض يكملوا بعض وموجة يضمها شطين
يا ريت تفهم كلامى صح من غير ظن ولا تخوين
الدنيا مخلوقة نتعارف ونتخالط موش نعيش عدوين
لا تقول اسمك ولا دينك ما دام مكتوب على جبينك
انك انسان وانا انسان ايه المانع نكون واحد
تجمعنا سما واحدة وارض ما تعمر لا بدونى ولا دونك
تعالى نوحد ملامحنا واقاسمك تفاصيلك لو كنت بتمر بمحنة
نادينى ومنين ما تكون وانا اجيلك
وموش منة ولا منحة ده شرع الله لا هو من قولى ولا قولك
الرحمة فى قلوبنا امان وعهد من الرحمن فى قرانى واناجيلك