تحدثت النجمة نور اللبنانية عن دور الأمومة في حياتها وما تعلمته من أهلها وتطبقه على أولادها خلال لقاء في برنامج "its show time" مع الإعلامية دينا حويدق، المذاع على قناة Cbc.
وقالت نور: "أنا عندى طفلين ولد وبنت، والأمومة بالنسبة ليا حاجة حلوة لكن محتاجة وقت ومجهود كبير، وأظن الأولاد هما اللى بيربوا أهلهم مش إحنا اللى بنربيهم، وربنا يخليهم لى لأنهم أغلى حاجة عندى في الدنيا كلها".
وأضافت نور اللبنانية أنها أخدت من والدى في تربية أولادى أن يكون في حزم والتزام ومسؤولية وفى مواعيد للنوم محددة، أما والدتى فأخدت منها التضحية والعطاء وحب من غير حدود واهتمام وازاى أكون صاحبتهم وامتى أكون الام في الوقت المناسب مشيرة الى أن أكثر الأشياء التي كنت أكرهها في صغرى من أهلى هو انهم بيجبرونى أنام الساعة 8 بليل، ولكن لما كبرت عرفت قيمة ذلك فأصبحت أنا من تجبر أولاده على النوم 8 مساءً، وممكن أسيبهم يسهروا شوية في الأجازة، وزوجى بيدلع الأولاد أكثر منى".
