نشرت اسما شريف منير ، علي موقع تبادل الصور والفيديوهات الشهير"انستجرام" صوره لها بأطلالة صيفية تعبير فيها عن احساسها بعد مافقدت جزء كبير من وزنها وتمسح الصور القديمة من المواقع .
وعلقت أسما شريف منير قائلة:"مسحت الصورة اللي فاتت و قلت انزل دي بس عشان ساعات شيطاني بيغلبني زي باقي البشر و ساعات بحسو بذات بعد ما خسيت اني عايزه البس لبس حلو و بناتي كده و افرح اني بقي شكله حلو عليا بس الصح صح مش هقاوح، انا اصلاً مش بحب البس لبس مكشوف في العادي بس انجرفت ورا الدنيا اللي مش باقيه، فا هقاوم الاحساس ده و هركز مع نفسي و في لبسي اكتر و هحاول انقي لبس يكون معتدل و حلو عشان اشجع نفسي و البنات اللي يتابعني انهم يلبسوا لبس حلو في نفس الوقت مش مفتوح، مش عيب ان الواحد يعترف بغلطه و طول الوقت يحاول انه يبقي احسن، و بشكر المتابعين اللي لفته نظري بطريقة ذوق..
كل سنة و انتم طيبين و حبايبي و دعمي، ربنا يفرح قلبنا كلنا و يهدينا💙💚 بحبكم
من جانب اخر نشرت الإعلامية أسما شريف منير على صفحتها الخاصة بموقع التواصل الاجتماعي لتبادل الصور والفيديوهات إنستجرام، صورة جديدة لها تتحدى بها كل من اتهمها بأن ملامحها بالمكياج تختلف تماماً عن ملامحها بدون المكياج.
علقت أسما على الصورة بقولها: «الصورة اللي كنتوا عايزني أنزلها أهي، من غير إديت ولا فلتر ولا أي حاجة، من الكاميرا على هنا على طول، بس أنا عاملة ليپ تنت وحواجبي مايكرو بيلدنج وفيلر من سنة ونص.. بس هو ده شكلي من غير أي حاجة تانية.. براحة عليا مش عايزه تريقة».
يذكر أن أسما كانت قد تعرضت لموجة هجوم في الفترة الماضية بسبب كثرة الصور التي تنشرها على إنستجرام وتظهر فيها بملامح مختلفة معلقين بأنها تستخدم فلاتر لتبدو أكثر جمالاً.
وكانت أسما شريف منير، قد أثارت الجدل على "انستجرام" بعد أن نشرت منشوراً ترد به على الشائعات التي لاحقتها بعد انتشار مجموعة من الصور والفيديوهات لها مع المصور الشهير حسام عاطف الشهير بـ"أنتيكا".
وأوضحت أسما أن العلاقة بينها وبين "أنتيكا" ما هي إلا صداقة، ناشرة مجموعة من الصور لهما عبر حسابها وعلقت قائلة: "تنوية عشان الناس الظياطة اللطيفة، نقولها تاني ومرة أخيرة.. أنتيكا أخويا الصغير بلاش تجويد.. أوعدكم لما أرتبط هعرفكم، أصلي أكيد هكون فرحانة ساعتها وهحب إنكم تفرحولي مش هخبي.. سيبكوا من الهري ده، إيه الألوان الجامدة دي، صيف كما قال الكتاب".
ليرد عليها معلقا: "ست الكل وأختي الكبيرة وبطلة الجمهورية في روقان.
اقرا ايضا | أسما شريف ترد على متابعيها بقوة عن علاقتها بـ«أنتيكا»
