قال زهير إحسان سمان مالك صيدلية "ستيفنسون" وابن مالكها الراحل "جورج ستيفنسون إنه قرر افتتاح فرع هنا في القاهرة .
وأضاف "مالك صيدلية ستيفنسون"، خلال حواره المذاع عبر فضائية "اكسترا نيوز"، انهم اختاروا المكان وأخذوا مقاسات كلها وقامو بعمل التصميم والخشب و" الديكورات كلها اتعملت في إنجلترا وجاؤوا هنا مصر ركبوها وحطوها وضبطوا كل حاجة في مكانها وفي أواخر الأربعينيات والدي اشتراها ومن حبه ليها وللمكان محبش يغير فيها حاجة وسابها زي ما هي واحتفظ بيها".
وتابع "إحنا بنرحب بأي حد يجي يتفرج عليها ودا بالعكس بنكون مبسوطين لما حد بييجي يتفرج وبنشرح له كل حاجة موجودة ودي كانت بتستخدم في أيه ودا كان بيستخدم إزاي والموازين وحاجات التنفس وأي حاجه قديمة هنا بيسأل عليه الزائر بنشرح له وبنفهمه إزاي الأدويه كانت بتتعمل ودلوقتي تعتبر انقرضت شوية".
وأشار "إحسان"، " إحنا شغالين كصيدلية وفي نفس الوقت المكان مفتوح للي عايز ييجي يزوره بس بنطلب اللي عايز ييجي من 6 إلى 9 ما عدا الجمعة إحنا أجازة. الدنيا بتكون رايقه فنعرف نقف معاه ونشرح له كويس المكان والحاجات القديمة دى".
وأكد: "أنهم يبيعوا الأدوية الحديثة، لكن الرفوف والجدران فيها ما زالت تحمل بصمات التاريخ والنشأة القديمة في أوائل القرن العشرين أواخر الأربعينيات، وتركها على حالها دون تغيير حتى الآن".
اقرأ أيضا «أجزخانة ستيفنسون».. صيدلية الإنجليز العريقة في قلب مصر
