علقت الفنانة سميرة سعيد على تصدرها للتريند بعد طرح أغنية "الساعة 2 بالليل" ونجاح الأغنية جماهرياً.
وقالت سميرة سعيد: " كل الموضوع أني بحب الغنا جداً وبستمتع بيه جداً وبحس أن الغناء هو المغامرة"، كاشفة في مداخلة هاتفية خلال برنامج " كلمة أخيرة" الذي تقدمه الإعلامية لميس الحديدي على شاشة " ON" أن الهاجس الأساسي لها دائماً أن تقدم شيء مختلف قائلة : "ده الهاجس دايماً أني أعمل حاجة مختلفة.. وكأني أقدم أغنية لاول مرة".
وذكرت: "عندما أجد أغنية حلوة بفرح بيها جداً ولما سمعت الاغنية حصيت أنها مش بتتكلم عن حكايا ت الحب لكن قصتها أنها بتعبر عن قصة واحدة زهقانة زي الوحدة الي حسينا بيها في " كوورنا " ملهاش علاقة بالحب ودورت على حد تكلمه أو تخرج معاه وبعدين لقيت الميزة إنها تكلم نفسها في حالة الزهق".
وتابعت: أنا مش بخاف من المغامرة طول الوقت ولو حسيت أني بكرر نفسي انا شخصياً شخصية " زهوقة " يعني مابحبش اكرر القصص والاغاني وعندي فضول طول الوقت اسمع حاجات مختلفة.. عندي تشوق للجديد.. لان التكرار يقتل الفضول عند الناس أنها تستمتع وتتابع الاغاني".
وعن أسباب لجوئها لطرح كل أغنية داخل الالبوم بشكل منفرد حيث أن الاغنية الاخيرة هي الثالثة في ألبومها الجديد قالت سميرة سعيد: "الصناعة تغيرت عن زمان الاول كنا بنزل الالبوم ونفضل نظبطه ونعمله توليفة حلوة عشان ينجح حيث كانت الصناعة وقتها والانتاج مختلفين الان الامر تغير وبات يعتمد كلية على منصاتالتواصل الاجتماعي " السوشيال ميديا " وبالتالي بطرح الاغنية واحدة تلو الاخرى عشان تاخد وقتها ويعطيها فرصة أن الناس تعرفها وتشوفها أكتر".
واصلت: "زمان كنا بننزل الاغاني في ألبوم واحد في ساعات 14 و16 أغنية وكانت فيه أغاني بتتظلم في النص يعني الناس ممكن تسمع الاولى والثانية والباقي يتظلم ومايخدش وقته".
وحول عدد الاغاني المتبقية من الالبوم قالت: "أنا أصلاً عندي عشرين أغنية بحب امسك كل واحدة وأفضل ادلعها شوية لكن فيما يتعلق بالالبوم هنزل في شهور الصيف كل شهر أغنية".
وطرحت سميرة سعيدة مؤخرا أغنيتها الجديدة "الساعة اتنين بالليل" من كلمات تامر حسين وألحان عزيز الشافعي.
"الساعة اتنين بالليل" هي الأغنية الثالثة من ألبوم سميرة سعيد الجديد، الذى قررت طرح أغانيه على فترات متقاربة حتى ينتهى طرحه مع نهاية موسم الصيف.
وتقول كلمات الأغنية:
الساعة اتنين بالليل
الساعة إتنين بالليل.. زهقانة
زهقانة والناس نايمين
طب أكلم مين في اصحابي
آه يانا
ما هيعملوا مش سامعين
هاخد عربيتي وأنزل
أسمع مزيكا وأعلي
قبل لما دموعي تنزل
ملوحدة ومللي حصلي
وأحسن لي ما أكلم حد
وواثقة إنه أكيد هيقولي
نامي وارتاحي دلوقتي
وهنتكلم بعدين
الميزة الميزة الميزة الميزة
الميزة تصاحب نفسك
تزعل تفرح مع نفسك
تحكيلها فآخر يومك
ليه تشيل حد همومك
ده أحسن ما تكلم حد
وواثق إنه أكيد هيقولك
نام وارتاح دلوقتي
وهنتكلم بعدين
لفيت عالنيل وصفيت
بوشوش طيبة حواليا
ولنفسي أوام غنيت
وصالحتها بالأغنية
