حقق النجمين عمرو سعد ومصطفى شعبان، نجاحاً كبيراً من خلال مسلسلهما "ملوك الجدعنة"، الذي عرض في رمضان الماضية.
وكشف بطلا خلال استضافتهما في برنامج "الحكاية"، الذي يقدمه الإعلامي عمرو أديب على قناة MBC مصر، رأيهما في فكرة عمل الجزء الثاني من المسلسل.
وقال مصطفى شعبان: "أنا دايما بدوّر على الموضوع المقنع، بغض النظر عن مدى بساطته أو تعقيده، المهم إنه يكون موضوع مقنع. يطلع الجزء التاني مقنع يبقى هنعمله، يطلع موضوع تاني خالص يبقى أحلى، لسه بنشوف، بس أنا مش ممانع."
وقال عمرو سعد : "أنا بخاف شوية. الحمد لله رب العالمين، يمكن أنا والراجل ده لا نجيد الكلام عن نجاحنا، مبنحبش نتكلم عن الأرقام والحاجات دي خالص، وبنتكسف نقولها، برغم إنها حلال مش مدفوعة الأجر. طبعا لو في ورق مكتوب وفكرة متماسكة تخلينا نقول هنعمل ده أنا لن أتردد."
وأضاف: "أنا مش خايف من الأجزاء التانية. النجاح يا أستاذ عمرو كان كبير جدا، والأرقام اللي بتتقال لنا من المحطة ومن مراقبين أرقام ضخمة بشكل مخيف، فلهذا النجاح لازم إحنا نخاف."
يذكر أن مسلسل "ملوك الجدعنة" سيناريو وحوار عبير سليمان وأمين جمال، إخراج أحمد خالد موسى، بطولة عمرو سعد، مصطفى شعبان، عمرو عبد الجليل، أحمد صفوت، ياسمين رئيس، رانيا يوسف، دلال عبد العزيز، مريم أمين، وليد فواز وبسمة داود.
