محمد شاهين بعد إعلانه مقاضاة حمو بيكا: غلطة وميشرفنيش أغنى معاك

حمو بيكا ومحمد شاهين
حمو بيكا ومحمد شاهين

 

رد المطرب محمد شاهين على مطرب المهرجانات  حمو بيكا، وذلك بعد إساءته له بسبب أغنيتهما الأخيرة، التي تعاونا فيها، بعد أن طرحها الأخير طرحها دون علم الأول.

وكتب محمد شاهين عبر صفحته بـ"فيسبوك": "امبارح المحترم بيقول عليا اللي اسمه محمد شاهين انا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة 
والله العظيم انا روحت اغنى الاغنية دي بس قلة حيلة وفقدان امل بس لكن من جوايا وانتم عارفين لا شكلى و لا فني اللى بحبه عشان اروح اعمل كدة".

وأضاف: "دى كانت غلطة وذلة منى فقط لا غير وانا مايشرفنيش اغنى مع حد مش مقدرنى ومش على دراية بأى شئ ولا يفقه فى المزيكا أى حاجة كمان غلطة وانا هجيب حقى كدة كدة واستنوا منى اللى دايماً متعودين منى عليه".

وفتح المطرب محمد شاهين النار على مطرب المهرجانات حمو بيكا أمس بسبب موقف بينهما خلال الفترة الماضية.

وأضاف: «من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف.. كلمت حمو بيكا قولتله إزاي؟.. قالي أنا هنزل في العيد 6 أغاني.. بكلمه في حقوق الأغنية أقل حاجة في حقي يرود يقولي (انا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم انا شغال عنده رديت قولتله الكلام ده مش هينفع وقفلت معاه».

وتابع: «بعديها بعت لي مصمم البوستر وقالي إن الأغنية مش هتنزل وفوجئت النهاردة بنزولها بدون علمي على أساس ايه انا هعرف أجيب حقي كويس بالقانون».


 

 

 

احمد جلال

جمال الشناوي