«أنا مش بخاف».. رانيا محمود ياسين تعلق على أزمة شقيقها مع ياسمين عبد العزيز

ياسمين عبد العزيز وعمرو محمود ياسين
ياسمين عبد العزيز وعمرو محمود ياسين

وجهت إحدى متابعات موقع التواصل الاجتماعي «إنستجرام» استفسار للفنانة رانيا محمود ياسين بشأن خلاف شقيقها عمرو محمود ياسين مؤلف مسلسل «اللي مالوش كبير» مع بطلة العمل ياسمين عبد العزيز.

وكتبت سمر أحمد في تعليق على إحدى صور رانيا محمود ياسين: "صباح الورد مبروك على المسلسل كنت عايزة أسالك على حاجة كان في مذيعة عربية اتكلمت عن خلاف أستاذ عمرو وياسمين عبد العزيز وقالت إنك كتبت كلام تلقيح على ياسمين وحش عشان خلافها مع استاذ عمرو هل دي صح؟".
 
وردت رانيا عليها قائلة: "بقولك حبيتي انا لا بلقح على حد ولا ليه في تلقيح انا بقول للأعور  أعور في عينه ولا يهمني أي حد في الكون دي حاجه معروفة عني اني مش بخاف لكن أعرف حدودي كويس انا لما بكتب حاجة على صفحتي بيقي رأيي الخاص والله لو البوست ده جه على مقاس حد يبقي دي مشكلته مش مشكلتي وانا ماليش دعوه بخلافات مسلسل (اللي مالوش كبير) عمرو ياسين كاتب كبير لي رؤيته اللي الناس كتير جدا بتحترمها هو يرد على نفسه انا لا أتدخل في شغله انا في شغلي فقط تحياتي".

ودخلة متابعة أخرى على خط التعليقات وكتبت: "هي البنت ما قالت ليك حاجه هي بتقولك في مذيعة كتبت وقالت كلام علي لسانك وبتعمل مشاكل انتي أسلوبك وحش وفي غرور كده عمرو كاتب كبير وياسمين نجمه كبير وكلهم محترمين كان ممكن ردك يكون احسن من كده انا مش عارفه انتي مغروره اوي ليه كده انا كنت بحبك وبحترمك".

وردت رانيا عليها قائلة: "ايه الغرور اللي في كلامي انا حطه قلوب وقولت تحياتي انا بوضح وجه نظري بلاش اي تصيد ملوش لازمة".

ونشب خلاف بين عمرو محمود ياسين وياسمين عبد العزيز بسبب نهاية مسلسل "اللي مالوش كبير" وصلت إلى أن الأول رجح عدم التعاون مع ياسمين في أعمال قادمة.

"اللي مالوش كبير" بطولة ياسمين عبد العزيز وأحمد العوضي في أول تعاون بينهما بعد الزواج، ويشارك فيه أيضًا خالد الصاوي، محمد عبد العظيم، ودنيا عبد العزيز، وبدرية طلبة، ودينا فؤاد، وأحمد سعيد عبد الغني وآخرون، والعمل من تأليف عمرو محمود ياسين وإخراج مصطفى فكري.