سمية الخشاب تكشف مفاجأة عن مشاركة أحمد سعد في مسلسل «موسى».. «هو اللي طلب»

صورة ارشيفية
صورة ارشيفية

أفصحت الفنانة سمية الخشاب عن تفاصيل مشاركة الفنان أحمد سعد خلال أحداث مسلسل “موسى” مع الفنان محمد رمضان، بعدما تصدرا التريند منذ عدة أيام، حيث يعد أول عمل يجمعها مع طليقها بعد المشاكل التي أثيرت بينهما العام الماضي.

قالت سمية الخشاب خلال مداخلة هاتفية ببرنامج “التاسعة” على القناة المصرية الأولى: “أحمد عرض على محمد رمضان أغنية يقدمها له في المسلسل فعجبت محمد رمضان، وقال يعملها في الفرح ولقيت محمد بيكلمني يبلغني بالموضوع ويقول لي لو انتي يضايقك الموضوع مش هعمله وبحترم مشاعرك ومخليتش حد يكلمك من الإخراج يبلغك قولت أبلغك أنا أحسن”.

وأردفت: “قولتله بالعكس يلا نعملها، احنا كلنا رزقنا النجاح، وقالي فكري للصبح وهاخد كلمتك الصبح قولتله لا خلاص مبرجعش في كلمتي، أنا مسامحاه وسامحت كل الناس اللي كان بيني وبينهم مواقف وبقيت بنام باللليل في حالة سلام”.

وتابعت: “مكناش قصدين نبقى تريند بس طلعنا تريند، يوم الفرح كنت متوترة أوي، والمخرج كان مهتما يعمل حاجة حقيقية بجد، ومحمد كل شوية يفاجئني يشدني يشيلني  وكنا بنمثل وبنتعامل مع بعض بشكل عفوي أوي”.