بعد البراءة من إهانة الصعيد.. هذا موعد عودة تامر أمين للشاشة

تامر أمين
تامر أمين

أعلن الإعلامي تامر أمين عن انتهاء مدة وقفه ومنعه من الظهور الإعلامي على خلفية إهانته لأهالي الصعيد.

وقال تامر أمين خلال لقائه ببرنامج "ورا الشمس" تقديم الإعلامية أميرة بدر المذاع على فضائية "الشمس": إنه سيعود لتقديم برنامج "آخر النهار"، المذاع على فضائية "النهار" بعد إجازة عيد الفطر، وأنه سيكون حريصًا جدًا خلال تقديم البرنامج، وأنه سيكون أقوى.

وكانت محكمة جنح مدينة نصر، قد قضت الاثنين 26 أبريل، ببراءة الإعلامي الموقوف تامر أمين، من اتهامه بالإساءة إلى رجال وسيدات الصعيد، في البرنامج الذي كان يقدمه على شاشة قناة النهار، ورفض الدعوى المدنية.

كان الإعلامى تامر أمين، اعتذر عن إهانته لأهالى الصعيد فى برنامجه، وقال في فيديو: "أقدم اعتذار واضح وصريح لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللي بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".

وأضاف تامر أمين: "أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".

وتابع تامر أمين: "والله ما قصدتش الإهانة أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساساً من الصعيد مرات أخويا من الصعيد وبتشرف بيها وبالنسب دا".