الحمد لله يارب، فرحتنا يا ريس، وربنا يبارك فيك وينصرك.. بهذه الكلمات التى تغمرها الدموع عبرت السيدة البسيطة "سعاد إبراهيم" عن فرحتها عقب استيقاف برنامج كلام من دهب لها وسط الشارع أمام محطة مترو سرايا القبة، ليسألها طارق علام مقدم البرنامج، عن أحوالها وجلوسها فى هذه المكان بعد منتصف الليل، لتجيب المرأة البسيطة بصورة تلقائية أنا من هنا من عزبة أبو طالب ولسه جايين من عند الدكتور كنا بنعمل أشعة لابنى المريض، أنا أعمل بائعة علشان أربى الولدين دول، علاء عنده كهربا زيادة وغضروف وبيصرف علاج بـ ١٤ ألف جنيه، وابنى الثاني عمرو مريض وعملنا الفحوصات وفي انتظار تشخيص الطبيب.
سعاد لم تتوقع أن تفوز فى برنامج كلام من دهب وتكسب ١٠٠ ألف جنيه، لتنهمر الدموع منها وتبكى أمام الكاميرا، وتقول ربنا أكرمنى فى الوقت المناسب، أنا بقالى سنين وصابره وأتمنى ولادى ربنا يشفيهم وهاعالجهم بالفلوس دى.. سعاد عبرت عن فرحتها بمبادرة الرئيس وقالت: ربنا يبارك فيك ويكرمك يا ريس وينصرك زى ما نصرت الغلابة.
