انتقد سيد عبد الحفيظ، مدير الكرة بالنادي الأهلي، اختيار مدينة الإسكندرية للعب مباراة كأس مصر أمام النصر.
وقال عبد الحفيظ في برنامج الماتش عبر شاشة صدى البلد والذي يقدمه الإعلامي هاني حتحوت: "عاوز أسأل سؤال: هو أنا بلعب في إسكندرية ليه ؟".
وتابع: "اللائحة بتقول ملعب محايد مش بلد محايدة، أنا والنصر من القاهرة، رغبتي أنا والنصر إننا نلعب في القاهرة".
وأضاف: "ممكن اتحاد الكرة يقولي روح العب في بتروسبورت ولا الكلية الحربية ولا المقاولون ولا في أي ملعب في القاهرة وهتبقى ملاعب محايدة ليا وللنصر".
وواصل مدير الكرة: "الرد اتقال من اتحاد الكرة إننا لعبنا في الإسكندرية علشان يبقى في تكافؤ فرص إن الزمالك هيلعب في السويس فى إنك تروح تلعب في الإسكندرية، دي مالهاش علاقة باللائحة".
واختتم عبد الحفيظ تصريحاته: "القرعة جابتني إني ألاعب فريق من القاهرة فنلعب في ملعب محايد، لكن مش تمشيها على مزاجك، مش علشان فرقة هتطلع السويس تطلع فرقة تانية الإسكندرية".
