سكوت هانحور

فرق شاسع

الشاعر/ عصام حسني
الشاعر/ عصام حسني

بقلم.. الشاعر/ عصام حسني

بين الجواز و بين الخطوبة 
حاجة زي الفرق 
بين طوبة وطوبى 

فجوة جامدة
إيه اللي وصّل اللي بينّا
 للكلام ده؟!
 مرّة واحدة؟! 
ولا كان تدريجي وإحنا مطنشين
الروتين دخل حياتنا
فجأة بقينا موظفين 
 ده أحنا كنّا ف فرحة تامّة
كل يوم فسحة وعزومة
إيه اللي غيّر المسمّى
 من حبيبتي للحكومة
ده أحنا كان بينّا حكايات
مكالمة كانت بالساعات
بقت دقيقة.. دي الحقيقة 
أمر واقع موضوع كبير 
محتاج مَراجِع
ولو لقيتها.. مين يراجِع
قصة عايزة حد جد عنده دافع