لينا شاكر تكشف قصتها مع السرطان: عشت الألم مع أمي وصديقي| صور

لينا شاكر
لينا شاكر

نشرت الإعلامية لينا شاكر، مذيعة التليفزيون، ومقدمة أشهر برامج المنوعات منها "اسهر معانا" و"افطر معانا"، "سيشن صور" حديثة لها، بدون شعر.

 وأعلنت لينا شاكر، من خلال "سيشن الصور" الذي شاركته عبر صفحتها بموقع التواصل الاجتماعي فيسبوك، عن إصابتها بمرض السرطان، وأنها خضعت لجلسات العلاج بالكيماوي، مما أدى إلى تساقط شعرها.

وتحدثت "لينا"، عن تفاصيل الإصابة ورحلتها مع المرض قائلة: "أنا عشت مع أمي الله يرحمها تجربة الكانسر بكل حذافيرها وتفاصيلها من يوم ما شخصت ليوم وفاتها كانوا ١١ سنة ونصف، كمية الألم اللي عشته معاها في التجربة دي مرعب وكانت دعوتي لربنا أنه يخفف عنها ويقدرني إني أسعدها، وأكيد كنت بفكر مع نفسي ليه كل ده؟! ".

وتابعت: "قبل وفاتها بيومين وإحنا في المستشفى لقيتني بكتب كلام وكأني بكتب نعيها، المهم إن في اللحظة دي شوفت حكمة ربنا بالنسبة ليا في كل اللي عدى وحمدته وشكرته لأني حسيت إن دي كانت أحلى حاجة أنا عملتها في حياتي، وكأن ربنا اداني وقت أحبها أكتر وأدلعها وأكون لها بنت كويسة وأكون جنبها في كل لحظة، زي ما كانت طول عمرها شيلانا عشان هي حقيقي كانت ملاك وأحن وأطيب ست في الدنيا".