الجمهور يفتح النار على ياسمين صبري بسبب فستانها

 ياسمين صبري
ياسمين صبري

 

تصدرت الفنانة ياسمين صبري، الهاشتاج الأكثر تداولاً عبر موقع التدوين تويتر، بسبب لقاء سابق لها مع إسعاد يونس، ببرنامج «صاحبة السعادة».

وتحدثت صبري، عن رغبتها في تغيير ذوق الفتيات في الشارع المصري، بأسعار مناسبة، قائلة: «اكتشفت أن الاستايل عند البنات المصريات ضاع، فحسيت إن أنا لو عليا الضوء كفنانة، وإن الناس بتشوفني وبتقول أكيد الفستان ده بعشرين ألف جنيه، اكتشفت أن أقدر ألبس حاجة بـ2000 يقدروا يشتروها، إنتي عارفة الفستان ده بـ2500 أي بنت هتقدر تجيبه».

تباينت الردود عبر تويتر، ما بين مؤيد ومعارض للرقم الذي قالته صبري عن سعر الفستان وعن قدرة جميع الفتيات على شرائه.

وقال أحد المعلقين: «طالعة تقول إن هي لابسة فستان بـ ٢٥٠٠ جنيه وبنات مصر كلها تقدر تشتريه... دا أنا جبت جاكيت بـ ٧٠٠ جنيه الشتا اللي فات أمي لحد دلوقتي بتعايرني بيه».

 بينما قال آخر: «بتقول الفستان ٢٥٠٠ جنيه أي بنت هاتقدر تجيبه، واضح إنها ما تعرفش إن عيلة ياكلوا ويشربوا ويلبسوا بيه في شهر»، فيما قالت معلقة أخرى: «2500 جنيه ده مرتبات موظفين وفاتحين بيوت لعائلات شوفي بقي كل عيلة كام فرد إزاي بقي أي بنت تقدر تشتري الفستان الرخيص ده بالـ 2500 بس».

على الجانب الآخر، أيدت إحدى المعلقات كلام صبري، وقالت: «بيتريقوا على ياسمين صبري عشان بتقول فستان بألفين جنيه؟! أومال إنتوا بتجيبوا فساتين بكام يا جماعة؟! إنتوا مش عايشين معانا في الكوكب؟ مش شايفين الأسعار طيب؟!».

 

 

 

 

 

احمد جلال

جمال الشناوي