أحمد زاهر: تقمصت شخصية «فتحي» في البيت وكنت شخص لا يطاق

الفنان أحمد زاهر
الفنان أحمد زاهر

أكد الفنان أحمد زاهر، أن دور «فتحي» في مسلسل «البرنس» الذي عرض رمضان 2020 مثل تجربة مختلفة كونها شخصية شديدة الصعوبة ولا تحمل طابع «الكاراكتر» قائلاً: "كان دور صعب جداً خاصة أنه مش «كاركاتر» مقارنة بدور«فرج في كلام على ورق» حيث كان له طابع خاص أو مثل ولد الغلابة كنت طول الوقت خايف ميعلقش مع الناس".

وتابع أحمد زاهر، في لقاء عبر برنامج «كلمة أخيرة»على شاشة «ON»، قائلاً: طول عمري بدور على الأدوار والشخصيات اللي مش شبه أحمد زاهر على أرض الواقع لأن الاستمتاع بالمهنة أني أعمل حاجة مش شبهي وأنا بحب التمثيل جداً بحب أذاكر وأفكر وأتخيل وأدخل في الشخصية اللي مش بتاعتي فلما أعملها الجمهور يصفق لي.


وأرجع أسباب اختفائه في بعض المواسم الرمضانية لغياب الدور الذي ينشده، قائلًا: عشان كده بختفي في بعض المواسم الرمضانية لأني مش لاقي الشخصية اللي أعمل منها حاجه فبقرر أختفي لحد مالاقي الشخصية اللي تستفزني وأذاكر فيها زي «القرادة».

وكشف أنه شخص عندما يقوم بدور فني يصعب عليه الخروج منه بسهولة قائلا: لما بعمل شخصية في أي دور بيبقى صعب أخرج منها بسهولة.. وأنا شخص متعب جداً في البيت ومكنوش في البيت طايقني أيام «فتحي» لأني كنت متقمص الشخصية في البيت ولما كنت ألاقي طفاية مش محطوطة في مكانها ممكن أعمل خناقة كنت شخص لا يطاق.