قال الإعلامى عمرو أديب، جماعة الإخوان المسلمين "ركبوا موجه ثورة 25 يناير وعرفوا إزاى ويستفيد منها واخدوا شجرة التفاح كلها" لكون الناس الذين خرجوا فى 25 يناير لم يكن لديهم خطة عند بداية خروجهم فى الشوارع، متابعا: "الناس بتوع 25 يناير ماكنش عندهم خطة هنعمل إيه.. إنما كان فيه حد كان عارف هيعمل إيه وهيركب الثورة".
وأضاف عمرو أديب، فى برنامج "الحكاية"، أن الناس التى نزلت فى بداية ثورة 25 يناير، كان لديها اعتراضات وإحساس بالظلم وترددت الأحاديث عن التوريث سواء كان ذلك مثبت أو عكس ذلك، وكان هناك حركات للقضاة والإخوان وحركة كفاية وهذا الحراك أدى إلى 25 يناير.
وتابع: "الناس كانت بتتكلم على مين يجي ومين يمشى فى البلد.. وفجأة الناس دي كانت حاسه إن الأمر فى إيديها.. ولكن مصر أكبر من كده بكتير.. لأن لازم اللى يسيطر على المكان ده يكون حد ياخد باله من مليون كيلو متر مربع.. وطبعا الإخوان كانوا جاهزين ومأنتمين وشبه متفقين.. وشفنا فى تسريبات هيلارى كلينتون إن كان فيه خلاف داخل الإدارة الأمريكية بهذا الشأن لحد ما دعموا الإخوان اللى ركبوا الموجة وأخدوا شجرة التفاح كلها".
وأضاف: "لما كنا فى 25 يناير وشفنا دبابة فى الشارع مكتوب عليها يسقط مبارك فهمنا إن النظام ده رحل.. وفهمنا إن الجيش والشعب كان بينهم اتفاق برحيل مبارك"، مؤكدا أن الخارج دائما يريد أن يكون له دورا فيما يحدث فى مصر.
