نشرت النجمة ياسمين عبد العزيز، على موقع تبادل الصور والفيديوهات الشهير"إنستجرام" مقطع فيديو فى كواليس تصوير مسلسل "اللى مالوش كبير"، وتحكى لها عن يومياتها مع فيروس كورونا بعد تعافيها، وظهرت إيمان وهى تقول: "الفيروس بيلعب فى المخ وأثر على قوايا العقلية، أنا صحيت من النوم شوفت قطتى قولت هو أنا مربية فار ليه؟.. وبيأثر على الودن اللى ناحيتك دى"، لتثير ضحك النجمة ياسمين عبد العزيز.
وعلقت ياسمين علي مقطع الفيديو قائلة:" اللي مالوش كبير رمضان ٢٠٢١ "
وكانت الفنانة إيمان السيد قد أعلنت تعافيها من فيروس كورونا وعودتها لاستئناف عملها مرة أخرى، حيث كتبت عبر حسابها بموقع "إنستجرام": "بشكر كل الناس اللى سألت عليا وبعتذر جدًا لو فى حد ما عرفتش أرد عليه، أنا بفضل ربنا أحسن كتير ورجعت شغلي، كمان بشكر الناس اللى أجلوا تصويرى واستنونى لحد ما صحتى بقت كويسة".
وتابعت: "أنا بخير دلوقتى بفضل ربنا ثم دعواتكم، مكملة بس على علاج الكورتيزون وأدوية السيولة ومتابعة تحاليل السيولة مع الدكتور كل أسبوعين علشان الجلطات والحمد لله، خلوا بالكم من نفسكم وربنا يحفظنا جميعًا".
"اللى مالوش كبير" مقرر عرضه فى رمضان المقبل، تأليف عمرو محمود ياسين، إخراج مصطفى فكرى، بطولة ياسمين عبد العزيز، أحمد العوضى، محمود حافظ، خالد الصاوى، دنيا عبد العزيز، أحمد عبد الله محمود، أحمد سعيد عبد الغنى، إيمان السيد، بدرية طلبة، عايدة رياض، وعدد كبير من نجوم الشباب.
اقرأ أيضا
اليوم.. انطلاق تصوير مسلسل ياسمين عبد العزيز وأحمد العوضي «اللي ملوش كبير»
