ردت نيللي كريم على أسئلة متابعيها عبر هاشتاج "asknellykarim" على حسابها الرسمي بموقع "تويتر"، والذي كشفت من خلاله علي مصير أعمالها الفنية المقبلة.
وأكدت نيللي، علي أن تقديم جزء ثالث من فيلم "الفيل الأزرق"، ما زال مجرد حديث، مضيفة إلي أنها تقوم حاليًا بتصوير فيلم "العميل صفر" مع الفنان أكرم حسنى.
وأضافت نيللي، أنها تقوم حاليًا أيضًا بالتحضير لمسلسلها الرمضاني القادم، والذي لم يستقر صناعه على اسمه حتى الأن، وأن ما يتم تداوله عن إطلاق اسم "وضع طيران" غير صحيح.
وبسؤالها عن جزء تالت من فيلم "الفيل الأزرق"، لتجيبه نيللي: "كان في كلام بس لحد دلوقتي معتقدش هنعمله أو ممكن هيتعمل.. بس دلوقتي مفيش كلام عليه عشان كلنا مشغولين وبنصور فمفتكرش دلوقتي فيه حاجة".
أما عن فيلم "الفارس" الذي تم الإعلان عنه من بطولة النجم كريم عبد العزيز، فقالت نيللي عنه :"فيلم الفارس توقف من سنتين"
وتحدثت عن الجزء الثاني من مسلسل "بـ100 وش"، قائلة :"هيكون فيلم سينما مش مسلسل و عندى مسلسل فى رمضان لسه بنحضره.
وتطرقت نيللي كريم في حديثها إلى الفوبيا الخاصة بها، قائلة :"كلنا عندنا فوبيا مفيش بني ادم معندوش فوبيا حتي لو مش بيقول.. انا مش بحب الأدوار المرتفعة خالص يعني مش بحب الأدوار العالية و مش بحب الأماكن المقفولة يعنى حتي لو مش جنينة أو مكان على الأرض بحب يكون فيه بلكونة او حاجة مش بحب احس بالخانقة ابدا.. بس مش بخاف من الاسانسيرات عادى".
