كشفت تحقيقات النيابة العامة في قضية طفل المرور، في اتهام طفل و3 من أصدقائه، بالإهانة لأحد رجال الشرطة والتنمر عليه، مفاجآت عديدة بعد نظر أولى جلسات القضية.
وقال الشرطي «رجل المرور» المجني عليه تفاصيل الواقعة أمام النيابة وهي كالتالي:
س: اسمك، سنك، وظيفتك؟
ج: اسمي محمد فوزي جاد الله السن 35 سنة، أمين شرطة ثالث بالإدارة العامة لمرور القاهرة.
س: ما هي تفصيلات ما حدث ومعلوماتك بشأن الواقعة محل التحقيقات؟
ج: اللي حصل إن أنا كنت معين خدمة مرورية في ميدان بيتشو، بزهراء المعادي، لقيت بعض المواطنين مستقلي المركبات وبيخبروني بأن فيه عربية مرسيدس ولونها أسود، سايقها عيل صغير وبيسوقها بطريقة متهورة، وبيعمل غورز في الشارع وأثناء وأنا واقف في الخدمة لقيت العربية جاية عليا فوقفتها، ولقيت فعلا عيل صغير سايقها، ومعاه أربعة عيال من سنه راكبين العربية فسألت، الطفل قائد العربية وقولتله فين الرخص قالي مش معايا رخص والعربية دي هيئة قضائية بتاعت بابا وبابا شغال في مكتب وزير العدل، ولاحظت أن زجاج العربية ملون «فاميه» فاصريت على أنه يطلعلي رخص العربية وهو كان بيقولي مش معايا وبيتكلم بإسلوب مش كويس.
اقرأ أيضا|تأجيل أولى جلسات محاكمة طفل المرور في التعدي على فرد شرطة للأحد المقبل
وأضاف الشرطي أن الطفل قال مش عارف بيتكلم مين وانت مش عارف أنا أبن مين؟ وبعدين لقيت أصحابه اللي راكيبن العربية قعدوا يوجهوا ليا كلام ويقولوا لي احنا ممكن نضربك ونكسحك ونقعدك جنب أمك لولا أنك راجل كبير، فوجهت سؤالي إلى سائق العربية وقولتله أنا عايز الرخص فقالي مش معايا، لقيته بيسألني فين كمامتك فقولتله مش معايا فقالي أبعد وشك بعيد عني وأبعد إيدك عن العربية، وبعدها أنا اتحركت كام خطوة لمقدمة العربية علشان أخد أرقام اللوحة الأمامية، وإحرز مخالفة مرورية باللي حصل ومرة واحدة، لقيته بيتحرك بالعربية، وهوشني فخلاني أقع على الأرض على ضهري ورجلي اليمين جت على الباب الخاص بقائد السيارة وبعدين شوفته وهو باصص ناحيتي وبيشتمني وبقولي «غور كدة وشتمني بأمي».
تستكمل محكمة جنح الطفل المنعقدة بمحكمة الأميرية، غدًا الأحد، ثاني جلسات محاكمة أحمد أبو المجد وآخرين بتهمة التعدي على فرد شرطه من إدارة المرور والمعروفة إعلاميا بطفل المرور.
تعقد الجلسة برئاسة المستشار إسلام نجيب وعضوية كل من كورلس عاطف وإسلام أيمن وسكرتارية سامي أحمد وحسام المغربي وعلي راشد وبحضور الباحثة الاجتماعية.
أمرت النيابة العامة بإحالة طفل المرور المتعدي على فرد شرطة بدائرة حي المعادي، وثلاثة أطفال آخرين لمعاقبتهم عن إحرازهم جوهر الحشيش المخدر بقصد التعاطي، وإهانتهم أحد رجال الضبط، والتنمر والإساءة إليه، والتعدي على مبادئ وقيم أسرية بالمجتمع المصري، وإنشائهم وإدارتهم واستخدامهم حسابات خاصة على الشبكة المعلوماتية بهدف ارتكاب وتسهيل ارتكاب تلك الجرائم، وقيادة المتهم الأول مركبة بدون حمل رخصتي القيادة والتسيير.
