صلاح عبد الله: الاهلي كعبه عالي على الزمالك من زمان

نفى الفنان صلاح عبد الله، في تعليقه على نتيجة مباراة الاهلي والزمالك، أن يكون اصيب " بالقهر" قائلا:" أنا مع الوقت والخبرة قدرت أظبط نفسي ممكن أزعل لكن مش هتقتهر عشان ماتش كورة ".

تابع صلاح عبد الله في حواره مع الاعلامية "لميس الحديدي" عبر برنامجها " كلمة أخيرة " المذاع على شاشة " ON" قائلا:" انا بزعل أوي لما بسمع إن فيه واحد في ماتش كورة مات من شدة الحزن أو من شدة الفرحة الحالتين بيزعلوني جداً ... أنا من زمان بنادي بفكرة لا للتعصب وبقول دائماً بلاش التعصب الاعمى والتحفيل الي شغال على السوشيال ميديا".

وإتهم ما أسماه دور اللجان في تأجيج التعصب الكروي، قائلاً: " فيه شغل لجان وشغل جامد وأنا بقلهم الي فلشوا في إشعال الفتنة الطائفية هيفشلوا برضه في إشعال الفتنة الكروية وهما بيتخدموا الكورة لانهم عارفين إنها عند المصريين مهمة جداً ومن أكبر وسائل الترفيه والمتعة ".

وتعليقاً على ماتعرض له شيكابالا قال: " الي بيحصل ده كله دليل أن فيه ناس بتلبع وفيه ناس بتنقاد وهي دي الفكرة الي كنت بقول عليها فكرة "الطوابير" وخلونا نفتكر طوابير الجمعيات لما كانوا بيقولوا زمان إلحقوا الجمعية فيها فراخ كل الناس كانت بتجري وأحياناً كانت بتبقى إشاعة ومافيش فراخ والناس تفضل واقفة ومنتظرة الفراخ رغم إنها إشاعة".

وإستطرد:" ناس بتعبث ضد البلد عاوزين يسخنوا بين الجمهورين ويوجهوهم للتحفيل الجارح السافل الخارج ويهينوا في هذا التحفيل مهن محترمة جداً وللاسف بنلاقي بعد نصب الطابور نلاقي بقى الي بيتم قيادتهم وبالتالي يكتر الطابور".

ووجه رسالة لجمهور الاهلي وشيكابالا :"عاوز ابدأ بفريق الاهلي وبقله ألف مبروك وهو فريق عظيم مافيش كلام بس أنا كنت عاوز أققول إن لو المايستروا صالح سليم لو كان عايش في الظروف وشاف الي بيحصل دلوقتي من إختقان وتسخين والعبث الي ضد مصلحة البلد كان هيكتب في كل مواقع التواصل الاجتماعي والشاشات وهيقول "مصر فوق الجميع".

ومازحته الاعلامية لميس الحديدي قائلة:" يعني إنت عاوز الخطيب يعمل كده ؟!

فعقب قائلاً "وبعدين يالميس ؟ ماقصدش حاجه ..عشان محدش يتكلم ويقول أنا عارف الموقف الي قال فيه صالح سليم " الاهلي فوق الجميع " كانت في مناسبة معينة دلوقتي بتستخدم غلط أنا في البطاقة مصري مش زملكاوي .. والناس عارفة ولما الزمالك غلب الاهلي قلت فرحان لفوز الزمالك مش لخسارة الاهلي ".

واردف رسالتي للزمالك بعد مباراته مع طلائع الجيش انا شفت الماتش وأنا كنت هادي جداً فيه حاله إحباط مش هيا دي الفرقة الي لعبت قدام الاهلي من يومين ولا في الشوط التاني أمام الرجاء ".

وأكمل:"جمهور الأهلي ده رائع جداً لان فصول الزمالك البايخة كتير جداً من يوم ماوعينا على الدنيا ..وكنت دائماً بقول" الاهلي كعبه عالي على الزمالك من زمان بس الكورة كاليالي ليس ليها ياناس أمان".

وأتم قائلاً "رسالتي للزمالك والي بيعاني من حالة خوف طبيعية وأنا مقدر مخاوف جمهور الزمالك جداً في ظل مشاكل عدم الاستقرار والنادي محتاج دعم نفسي ومن الدولة لو مافيش زمالك مافيش اهلي والعكس ".