تامر حسني يصالح زوجته أمام الملايين: «متهورة بس بحبك»

تامر حسني وبسمة بوسيل
تامر حسني وبسمة بوسيل

حاول النجم تامر حسني، منذ قليل إنهاء خلافه مع زوجته المغربية بسمة بوسيل، ووجه لها رسالة عتاب بعدما أعلنت على السوشيال ميديا خبر انفصالهما.

وكتب تامر حسني، عبر خاصية ستوري على «إنستجرام»: «بسمة حببتي للاسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسَوكي إنك عرفتيني وأنا مشهور ودي طبيعة شغلي اللي عرفتيني عليها وحبيبتني بيها، أزاي وصلوكي للزعل والبعد فترة.. المهم أنا مش هزعل منك ولا يرضيني زعلك انتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير».

وتابع: «ليه لما أي حد بيزعل من حد بيطلع يكتب عليه في السوشيال ميديا طب حتي يكلمه الأول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفتي إن في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة إنك تسمعيهم، ياريتك تركزي مع طاقة الناس اللي دعولنا ودعوا لولادنا وفغلا أنا بشكر كل الناس والفنانين اللس سعوا في الخير لينا.. متهورة بس بحبك».

يذكر أن بسمة بوسيل، أعلنت خبر إنفصالهم عن تامر حسني، الأيام الماضية، وكانت مفاجأة كبيرة للجمهور والأصدقاء في الوسط الفني الذين تدخلوا سريعاً للصلح بينهما.