استنكر الإعلامي أحمد موسى، تأخير مواعيد القطارات بمختلف خطوط السكك الحديدية، على خلفية مطالب فئوية من سائقي القطار.
وقال موسى خلال برنامج «على مسؤوليتي»، على قناة صدى البلد : «بعض سائقو القطارات يتحكمون في مصير البشر، الناس اللي جاية من الصعيد بتعيط، بسبب المطالب الفئوية لسائقي القطارات»، متابعا : «وزير النقل جلس معاكم، وهل ده وقت لتعطيل مصلحة الناس، الناس بتبكي بسبب البهوات اللي عطلت مصالح الناس».
وأضاف : «خاف على مصلحة الناس، وزير النقل لم يتأخر عليكم»، مشيرا إلى أنه يتلقى اتصالات منذ أمس لركاب قطارات متضررين بسبب تأخر المواعيد على خلفية المطالب الفئوية.
وأكمل قائلا : «مش معقول مفيش رحمة، هل ده لوي دراع للبلد، من امتى ده بيحصل، بلدنا فيها قانون»، متابعا : «اللي مش عاجبة الشغلانة يروح، فضيحة لما سائق يعطل مصلحة المواطنين».
واختتم كلماته بقوله : «هتروحوا من ربنا فين، ما حدث جريمة يعاقب عليها القانون».
