بأمر الجدة.. أولادي «شحاتين» في الشوارع

محكمة الأسرة
محكمة الأسرة

كتب - تامر عادل


"جدتهم قاعدة بيهم في الشارع ليل النهار تلم عليهم فلوس من الجيران، وسايبه العيال تعبانة عشان يصعبوا على الناس، مع إني ببعتلهم فلوس ضعف النفقة اللي محكوم بيها ومعرفش بتوديهم فين".. كانت هذه أولى كلمات "حامد.ب" أمام محكمة الأسرة بإمبابة في دعوى إسقاط حضانة أقامها ضد جدة أطفاله لوالدتهم وحملت الدعوى رقم 3045 لسنة 2019.


يقول الأب في دعواه إنه تزوج من والدة أطفاله منذ 4 سنوات، رزق خلالها بتوأم وبعد عام ونصف من الزواج طلبت والدتهم الطلاق بدون أسباب وتركت المنزل وأخدت أطفالها معها واستجاب لطلبها وقام بتطليقها وأخذت جميع حقوقها من نفقة ومتعة وقائمة المنقولات الزوجية، بالإضافة إلى 35 جرام ذهب كانوا موجودين بالقايمة بشكل صوري تقاضت مقابلهم 40 ألف جنيه نقدي.

وأضاف: "أطلقت وخدت كل مستحقتها بما يرضي الله ورفعت نفقة للعيال وأنا كنت ببعت ضعف النفقة اللي اتحكم بيها وبقول عيالي وأنا أولى بيهم، وسابت العيال رمتهم لأمها وراحت إتجوزت، وعاشت في محافظة تانية بعيد عنهم".

يتابع الأب حديثه بأنه تفاجئ بتصرف جدة الأطفال واستغلالهم في جمع مبالغ مالية من جيرانها بحجة الإنفاق عليهم: "العيال مرميه في الشارع على طول وكل ما عيل يتعب منهم تقعد بيه في الشارع وتلم عليه فلوس من الجيران عشان تكشف عليه وتجيب ليه علاج، وبتاخد الفلوس اللي ببعتها ليهم تحوشهم لنفسها، أخر مرة روحت أشوف العيال لقيت الولد نايم على الأرض حتى من غير فرشة".

ويختتم حديثه: "لذلك قررت إقامة دعوى إسقاط حضانة عن جدة أطفاله لوالدتهم وطالب بنقلها إلى والدته من أجل مصلحة أطفاله واستشهد ببعض جيران الجدة لإثبات صحة كلامه".

أقرأ أيضا:

تعرف على شروط قبول دعوى إنكار النسب.. في 7 معلومات