«محدش يزعل من النهاية».. مؤلف «ونحب تاني ليه» يوجه رسالة لمتابعي المسلسل

ونحب تاني ليه
ونحب تاني ليه

نشر المؤلف والفنان عمرو محمود ياسين رسالة لمتابعي مسلسل ونحب تاني ليه عبر صفحته الرسمية على موقع التواصل الاجتماعي فيسبوك.

وقال عمرو: بكره إن شاء الله أخر حلقة من ونحب تاني ليه.. أنا سعدت جدا بالحالة الجميلة اللي عشتها معاكم خلال فترة عرض المسلسل.. وفرحت اكتر بحالة النقاش والجدال حوالين فكرة هي غالية المفروض تعمل إيه .. عبدالله ولا مراد .. وانبسطت إن قدرت أحقق حالة تشويق، في مسلسل رومانسي اجتماعي، يمكن في مسلسلات ساسبنس معروف نهايتها من أول أسبوع».

وأضاف ياسين« اتسبطت إني قدرت أطرح عليكم تساؤلات حول وضع المرأة المطلقة في مجتمعنا .. وايه اللي لازم تعمله وازاي يفترض أن ينظر لها المجتمع».

وتابع:« أتبسطت إني شاورت على فكرة الحب وأهميته في حياتنا سواء مع شخص جديد أو من خلال فتح صفحه جديدة والتسامح مع شخص أخطأ في حقنا.. إفشاء الحب عموما بين الأخوات ..بين الأصدقاء.. التسامح مع الآخر ..إعادة النظر في أفكارنا.. وفي توجهاتنا.. يعني.. المهم .. أي كان النهاية بكره أتمنى محدش يزعل منها وتقبلوها زي ما هي.. لأن هتبقي دي رؤيتي أنا وفريق عمل المسلسل كله.. ونلتقي بكره بعد نهاية الحلقة اللي هتشهد أحداث كتيرررررر... شكرا لحسن متابعتكم وكل سنه وأنتوا طيبين».