أذاع الإعلامي هاني عبد الرحيم، مقدم برنامج "أحلام مواطن"، المذاع على فضائية "المحور"، تقريرًا مصورًا لمنزل أسرة مكونة من جدة و6 أحفاد تم بناءه وتطويره مجددًا بعد انهياره بسبب السيول التي أصابت قرية الديسمي بمركز الصف في محافظة الجيزة.
وقالت جدة الأبناء خلال لقاءها، إن والد الأحفاد توفي بسبب حادثة في 2011 لتقوم هي بتربيه الأبناء لنحو 9 أعوام، مضيفة: "أنا بربيهم بعد وفاة أبوهم وأمهم اتجوزت حلال ربنا بعد الوفاة بسبعة أشهر، لأنها عيلة صغيرة عندها 20 سنة، وأسرتها تعامله بشكل وحش".
وأضافت: "أنا بصرف عليهم من عند ربنا، كنت واخدة قرض عشان أجيب عربية بحصان وألم القمامة لكني مكنتش قادرة أكمل شغل عليها، وأخدها ابني عشان يشتغل عليها وبعدين عمل حادثة ومات، فبعت العربية بعد كدا، والحمد لله بنرزق من عند ربنا، ونفسي أعمل عمرة".
ورد مقدم البرنامج قائلًا: "إحنا بنحاول نفرح الأسر بحاجات بسيطة وربنا يجعلنا سبب في مساعدة الناس في الظروف الصعبة، فرحة الأطفال الأيتام ليها معاني مهمة، والأطفال محتاجين دايما اللي يساعدهم ويقف جمبهم".
