والدة الشهيد الشبراوى:" اللى يحب مصر يقعد فى بيته"

 والدة الشهيد الرائد أحمد الشبراوي
والدة الشهيد الرائد أحمد الشبراوي

 

بمناسبة عيد الأم، هنأ الإعلامي خالد أبوبكر، هدى محمد، والدة الشهيد الرائد أحمد الشبراوي، قائلا لها: " كل سنة وأنتي طيبة، إنتي عارفة يا حاجة هدى إن ليكي فضل علينا، إنتي عندك تاريخ محدش يعرف يعمل زيه، حتى لو بملايين".

بدورها قالت والدة الشهيد، خلال مداخلة هاتفية ببرنامج كل يوم، الذى يقدمه خالد ابو بكر، على شاشة" on e"،: "الحمد لله فضل من الله ونعمة..  كثيرون هنأونى اليوم بمناسبة عيد الأم.. حبايبي كتير وحبايب أحمد كتير، واللي مجاش اتصل بيا، وربنا يخلي مصر وأولادها يا رب"، موضحة أنها تحكي بطولات أحمد لأولاده "عمر" و"تالين".

وواصلت:"إحنا عايشين على ذكريات أحمد، ربنا يرحمه كان بطل ويحب مصر وبلده وبيشتغل بجد وإخلاص، أحمد كان رئيس عمليات الكتيبة 103 صاعقة مع الشهيد أحمد منسي، الحمد لله ماتوا وسلاحهم في إيدهم".

ووجهت رسالة للمواطنين بسبب فيروس كورونا قائلة: "يا ريت اللي يحب مصر يقعد في بيته، ويلم أولاده وعياله ويقعد، عشان يعيش، أولادنا ماتوا عشان إنتم تعيشوا، واصلوا طريقهم، وكفاحهم، عشان نخلص من الغمة دي والوباء ده، ربنا يعديها على خير".

 


ترشيحاتنا