تداول مستخدمو مواقع التواصل الاجتماعي فيديو لشاب يرتدى تيشرت أبيض وشورت جينز أزرق وكاب بإحدى المناطق الشعبية، وهو يعتدي على شخص دون مقاومة منه، بالإضافة إلى التنمر والسخرية وضحك الواقفين أثناء تصوير الفيديو.
ما أثار غضب مستخدمى السوشيال ميديا مطالبين وزارة الداخلية بسرعة التدخل لضبط الشاب وتقديمه للمحاكمة، وجاء فى تعليقاتهم "الواد دا مكانه فين وأقسم بالله أروح لحد عنده وأعلمه الأدب دى رجولة"، وكتب رفعت البدرى، "للدرجة دي الناس بقت تظهر نقصها كده حسبي الله ونعم الوكيل، إذا دعتك قدرتك على ظلم الناس فتذكر قدرت الله عليك".
وكتبت شيماء محمود "حسبى الله ونعمة الوكيل فيك أكيد شمام هو واللى بيصور" ، وتعليق آخر "هو إزاى ساكت كده فين رجالة المنطقة دى فين الرجالة اللى شايفه الفيديو" ، بينما كتب آخر"هو في إيه مفيش راجل في الشارع يضربو قلمين يفوقه حسبي الله ونعم الوكيل فيهم كلهم"، وآخر معترضًا "المفروض دا يتقبض عليه ويتمثل بيه ردًا لكرامته".
