«وأنتوا مالكم؟».. شذى تدافع عن إيهاب توفيق برسالة مؤثرة

إيهاب توفيق
إيهاب توفيق

تعرض النجم إيهاب توفيق، لهجوم عنيف من قبل بعض رواد مواقع التواصل الاجتماعي، بعد إحياء حفل غنائي عقب مرور أقل من أسبوعين على وفاة والده، والذي توفي نتيجة تعرضه لاختناق بعد اندلاع حريق بفيلا إيهاب توفيق. 

وكتبت "شذى"، عبر حسابها على "فيسبوك": "أنتوا مالكم بجد.. اللي بيهاجموا إيهاب توفيق أنه نزل اشتغل خير! هتصرفوا أنتوا عليه؟؟".

وأضافت: "أولا والد إيهاب هو اللي اتوفى مش قريبكم أساسًا، والمصيبة مصيبة إيهاب لوحده ووجع إيهاب لوحده، وبعدين اللي عايز ينتقد يروح الأول يتكفل بكل مصاريفه وأساسًا الرسول عليه أفضل الصلاة والسلام، قال بعد ٣ أيام مفروض مفيش عزاء أصلا".

وتابعت: "للمرة المليون كفايه تدخلات في حياة البني آدمين لمجرد إنهم مشاهير، ويا ريت الشغل يلهي وينسي محدش في العالم يقدر ينسى أمه أو أبوه وإيهاب بقى بذات كان بار بوالديه وتحت رجليهم".

واختتمت: "كل واحد يصدر أحكام وكل واحد قاعد مدفي في بيته عامل فيها بطل.. الواحد بيحاول يتأقلم مع واقع مختارهوش وانحدار في الذوق ونسبة كبيرة بقت معتقداتها وأخلاقها وقناعتها وثقافتها أساسًا، مِن الآخر كده.. دعوا الخلق للخالق".

 

---
 
 
 

 

ترشيحاتنا