روجينا تغازل أشرف زكي بكلمات رومانسية 

روجينا وأشرف زكي
روجينا وأشرف زكي

كتبت الفنانة روجينا عبر صفحتها الشخصية على موقع التواصل الاجتماعي "فيسبوك"، رسالة رومانسية لزوجها نقيب المهن التمثيلية دكتور أشرف زكي. 

 

وقالت: "ما أنا كنت صغيرة ومش فاهمة وأنانية وعايزاه جنبي باستمرار، وكانت مشكلنا أول الجواز إنت بتفضل النقابة عليا يعني ممكن يلغي معاد مهم ليا معاه عشان رايح مستشفى أو بيحل مشكلة فى تصوير أو فيه واجب عزا لغاية ما ربنا حب يعلمني أو يادبنى أو يربينى". 


وأضافت : "ماهو تربية ربنا أعظم تربية فيحصلي حادث موت وأقعد فى المستشفى أربعين يوم ماهونش علياغير اهلى وزميلى والناس ووقهم جنبى ماكنش فية مواعيد زيارة الناس كانت على طول موجودةوالله على جبر الخاطر والناس بتطبط عليك وانت فى اشد الاحتياج لدا الناس دى ماكنتش بتجيلى انا كانت بتيجى لاشرف لانها كانت بترد اللى بيعملة معاهم لان هو كل سعادتة فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة مافرق بين كبير وصغير من ساعة الدرس دا اتعلمت انوا فى حد فى الدنيا هو الامان السند هو دا اللى هكلمة اول مايحصلى حاجة دا نقيبى أشرف زكي" 

واختتمت حديثها قائلة "واتعلمت كمان إن إللي بيعملوا أشرف جوزي هيترد ليا انا وبناتة وهيبقى في ميزان حسناتك هعيش انا وبناتك فخورين بيك ياحبيبى ..ربنا يحفظك لنا ويديك الصحة وطولة العمر" . 

الجدير بالذكر أن الفنان أشرف زكي، تلقى مجموعة من رسائل الحب والتقدير من قبل الفنانين في الفترة الماضية خاصة بعد استلامه جثمان الراحل هيثم أحمد زكي.


 

 

 
 
 

 

ترشيحاتنا