إبداعات القراء.. قصيدة معنى الوطن

سناء سراج
سناء سراج

معنى الوطن..

انت عارف يعني
ايه معني كلمة وطن
الوطن مش رؤساء
ولا وزراء ولا قيادات

الوطن حاجة كبيرة

مستوطنة فينا..

الوطن يعني
أرض وعرض..

الوطن أهل وناس
وصحاب واصل..

الوطن ابني وابنك
واخويا واخوك
امي وابوك..

الوطن صاحبك
وجارك وناس
كتير فيهم اللي
متعرفوش اكتر
بكتير من اللي تعرفه.

الوطن هو بيتك
مدرستك حارتك
منطقتك .. وكمان
ذكرياتك..

الوطن هو ناسك
عيلتك صحابك
وكمان اجدادك..

مش لازم تكون
اتغربت اتبهدلت
ويمكن تكون انكسرت
علشان تعرف يعني
ايه كلمة وطن..

الوطن هو
الحضن الدافي
حضن امك
اختك حبيبتك..

الوطن هو الايد
اللي تطبطب
عليك وقت اللزوم
والشدة تهون …

الوطن هو الجندي
اللي واقف هناك
على الحدود ..

دا واحد من
كل بيت..

الوطن هو الضابط
وعسكري المرور
في الشارع واقف
في الحر أو تحت
المطر والغيوم ..

ممكن تعبر
وكمان
تقدر تغير..

بس اوعي
تقتل أو تدمر

أو تحاول تحرق
أو تكسر..

انت بتحارب مين
انت عاوز تهدم
مين الوطن هو
انت وانا وهما ..

خلي الوطن
غالي عليك
زي امك
حبيبتك ابوك
وصاحب واخوك ..

وكل واحد نفسه
غالية عليه..

خلي الوطن
غنوة حلوة
اتغني بيها..

خلي الوطن
أمل في بكرة..
خليه حلم تحققه ..

انت عارف يعني
ايه كلمة وطن..

سناء سراج