محمود العسيلي يعتذر عن فيديو"الواسطة" : «بعترف أني كنت غير موفق»

محمود العسيلي يعتذر عن فيديو الواسطة :  «بعترف أني كنت غير موفق»
محمود العسيلي يعتذر عن فيديو الواسطة :  «بعترف أني كنت غير موفق»

قدم المطرب المصري محمود العسيلي اعتذارًا عن واقعة " فيديو الواسطة" الذي انتشر على مواقع التواصل الاجتماعي.

كتب العسيلي على حسابه الشخصي بموقع التواصل الاجتماعي توتير : أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه

«باعتذر بشدة لكل الناس اللي اتضايقت من الفيديو اللي انتشر و باعترف أني كنت غير موفق تماما في اختيار الألفاظ و لكن الصورة والله ناقصه و كان كل نيتي عدم تمييز حد عن حد اثناء الحفلة»

 

وأضاف العسيلي " النقطة التانية ان حاولت أقول للشخص اللي انا كنت باكلمه ان ماينفعش نتصور عشان الناس دي كلها لازم تتصور تلات مرات برا الميك و لكن هو كان لحوح جدا و مصمم و كان صوته عالي جدا و بيزعق و انا مش عارف اغني فللأسف قلتله كدا بحسن نية و للأسف كل الكلام دا مش باين في الفيديو ..

وكان محمود العسيلي قد واجه موجه من الانتقادات من قبل رواد مواقع التواصل الاجتماعي، عقب انتشار مقطع فيديو في إحدى الحفلات، يظهر أحد معجبيه يحاول التقاط صورة معه أثناء وجوده على المسرح ،  ليرد عليه العسيلي في ميكرفون الحفل أمام الجميع ويحرجه قائلا: "حضرتك معاك واسطة أو جامد جدا مثلا.. بتحبني وكل الناس دي بتكرهني، يعني لو اتصورت مع حضرتك مش لازم اتصور مع كل الناس دي.. صح ولا أنا غلطان".

 


ترشيحاتنا