ابن الشرقية.. الثالث على الجمهورية وأول المحافظة: شعرت بالحزن لتجاهل تكريمي

علاء محمد إبراهيم محمد الوزير
علاء محمد إبراهيم محمد الوزير

تفوق الطالب "علاء محمد إبراهيم محمد الوزير" ابن قرية منشأة الأمير، مركز أولاد صقر، محافظة الشرقية في شهادة الثانوية العامة 2019، علمي علوم، بمجموع درجات 409، بنسبة مئوية 99.76%، مما يجعله الأول على المحافظة، والثالث على الجمهورية، ومع ذلك لم يتلق أي تكريم من أي جهة.

قال "علاء" خلال حديثه معنا: "ناس كتير طبعا وقفوا جنبي، والدتي ومعلميني وكمان ناس ميعرفونيش لكن دائما كانت دعواتهم معايا، حلمي أكيد زي أي واحد محقق مجموع عالي في نفس الشعبة إني أدخل طب لكن لو تكلمنا على المدى البعيد أنا عاوز أجمع بين الأكاديمي والعملي، أتخرج وأبقى معيد وأكيد الموضوع في الأول يبدأ بعيادة بسيطة لكن بعدين هتبقى إن شاء الله مستشفى كبيرة وفي نفس الوقت لن انقطع عن الدراسة وان شاء الله الماجستير والدكتوراة".

وعبر الطالب عن حزنه وإحساسه بالظلم، قائلا: "ازاي ناس تجيب أقل وتتكرم وأنا أكتر منهم ومفيش حد بيعبرني، أنا تعبت وطبعا ربنا كلل تعبي، وجازاني خير ورزقني حب ناس كتير قابلتهم لأول مرة من مدرسين وزملاء".

وتابع: "أحب أقدم نصيحة لكل اللي داخلين 3 ثانوي إن الثانوية مش بعبع خالص ده من أجمل السنين لكن لازم تكون حريص على رضا ربنا في المقام الأول وعلشان ده يحصل على الأقل صلي فروضك بانتظام وفي جماعة وطبعا القرآن، شيء أساسي وذكرك ربنا دائما هيحميك ويخليه معاك ويساعدك وبعدين مجهودك وشغلك في المادة هيخليك ملم بدرجة كبيرة بالمنهج وتحل أكثر من كتاب أكيد".
 


ترشيحاتنا