علق المهاجم باسم مرسي، لاعب فريق سموحة والمعار من نادي الزمالك، على تصريحات مدير الكرة بالفريق السكندري إبراهيم حسن، والتي اتهمه خلالها بالكذب.
وقال باسم مرسي، عبر تغريدات على حسابه الرسمي بموقع التواصل الاجتماعي تويتر: «بعد تصريح مدير الكرة اللي بيكدبني فيه... إيه كان سبب رحيلكم عن النادي السابق؟ هل هى المؤامرة الكونية ضدكم ولا نفس الأسباب اللي بتنكروها دلوقتي؟».
وأضاف: «ورداً على المدرب .. أنا لعبت معه ماتش واحد وعمري ما اعترضت على لعبي أو عدمه (سواء معاه أو مع غيره) ، حضرتك بتقول أنى من ساعة ما جيت عامل مشاكل امال حضرتك عامل إيه» .
وتابع: «ولو على الرد قضائياً انا اللي حقي اعمل محضر بعد السب اللي بيتقال عقب كل مباراة»، مضيفا «كل ده عشان تشيلونى أنا الخسارة».
يذكر أن إبراهيم حسن شن هجوما حادا على باسم مرسي واتهمه بالكذب قائلا: «كل ما قاله كذبًا، ويحاول اللعب على مشاعر الجماهير، وأطالب بوضع باسم مرسي على (البشعة) مقابل مليون جنيه إذا كان محق في أي كلمة قالها».
